De PNCR and de AFC fed up wid attacking de PPP suh dem attacking each other. Dem boys see nuff finger pointing de other day; dem hear who calling who liar and who hiding facts and who dotish.Donald sit back and laugh and then he decide to add to de mischief. He call some people and de next thing a man tun up at de Waterfalls newspaper fuh place an ad. De same man did come de week before wid an ad calling fuh de PNC fuh replace Corbin.Well that was a master stroke because all de people who suppose to replace Corbin claim how dem didn’t have nutten to do wid de ad. Some of dem even want sue de newspaper.Well this ad was about Trotman getting ketch wid he pants down and of course dem had a drawing wid Trotman and he pants down.De paper refuse de ad because it had some lie inside.Dem boys seh that it look like if all dem political party like do is fight and cuss. De poor people ain’t even getting a chance to express a view.Dem betting that when Monday come is big bacchanal after de budget. Dem boys already buy up dem rum and things because dem sure that de price gun raise. Two of dem try fuh buy dem car licence in advance but dem couldn’t get through. De police tell dem to wait fuh de budget.And as usual,Authentic Jerseys Wholesale, dem price start fuh go up in de market. Money ain’t deh and price gone up. Talk half. Lef half.
