In life you either stay pun de straight or you tek de topsy turvy highway. That one got nuff turn,NFL Jerseys Cheap, bend and up and down. Fip deh pun de topsy turvy highway. Dem give he de contract because dem know that he and dem is de same thing. All of dem topsy turvy. Dem never hear bout de word straight.Dem boys know that Fip always got nuff company. Wha dem didn’t know was that he woulda keep getting more and more wid each passing day. Only yesterday he get one. This one got to deliver 1,400 computer. He never had money fuh buy one laptop computer fuh heself but he can buy fuh de whole country. Wid deal like this money does end up straight in dem big boy pocket. This supplier is a middle man.Fuh tun a middle man you got fuh drink nuff and sou sou nuff. But de doctor got news fuh dem people. De doctor seh that if you drink vodka + ice you does mess up you kidney; rum + ice you screw up you liver; gin + ice, you twazz up you brain; and whisky + ice you eff up you heart.Right away dem boy notice that ice is de problem. Ice eff up everything. Suh dem boy advising everybody to tek am straight. Go straight, not like Fip and he cavakamite friends dem.Talk half. Lef half.
